本週開畫： 電影拉雜談 （2017年9月21日）

 

 

本週共有7套新片開畫：皇家特工：金圈子 (Kingsman: The Golden Circle)，逆權司機 A (Taxi Driver)，Mrs. K，我們的6E班，紅衣小女孩2，與正念同行 (Walk With Me)，劇場版 Free! -TM- 絆 (Free! The Movie-TM - the Bond)

皇家特工：金圈子，一套續集電影，泰隆艾格頓 (Taron Egerton) 及哥連費夫 (Colin Firth) 繼績主演；皇家特工係繼占士邦 (James Bond) 後，英國最出名的特工，它們能人所不能，配備高科技道具同武器，為英國同世界嘅安全同和平作出努力；而今次本片成績如何？本片節奏明快，充滿MTV風格，而打鬥也十分精采，但今次卻也太美國化，失去了英國那種紳士及英式幽默，這方面我感到有點失望；而入場大家好奇哥連費夫會以何種形式再次登場，今次處理方式盤係講得通嘅。

逆權司機，高登先發行，宋康昊主演，代表南韓出戰2018年奧斯卡金像獎嘅電影；本片真人真事主演，講述1980年，係南擊，的士司機「金四福」載著記者彼得及翻譯具在植，前往光州，去報導示威情況，但示威最後演變為軍事鎮壓 (後來稱為「光州事件」)，最後，兩人冒著生命危險，逃離現場，而彼得平安到達日本，將有關片段公開，令當時由全斗煥領導嘅軍政府嘅惡行得以公諸於世。而主角二人皆真實存在，他們原名金士福Jürgen Hinzpeter‵，兩人分別於1984年及2016年去世。

我們的6E班，冼國林導演，本片透過一班來自不同國家及背景嘅學生，透過校際才藝大賽，讓他們互相了建和學習怎樣和人相處，最後順利消除分岐，及了解自己和其他人各自面對的問題，從而可以和諧其處。本片全數淨收益撥作社會共融慈善之用，值得大家支持。

紅衣小女孩2，程偉豪導演，楊丞琳、許瑋甯及高慧君主演，上集(即第一集) 聽聞拍得唔錯，恐怖氣氛形做得幾好，唯故事有點交待不清，今集的重點，是交得整個完整的故事；因第一集小弟沒有入場，故今次不會入場了，但之後我會抽時間睇番這兩集電影的。

與正念同行， 娛藝發行，UA CineHub 久違後再次選影的電影，本片係紀錄片，報導「正念之父」一行禪師（Thich Nhat Hanh)及其建立的「梅村」(Plum Village) 的故事，本片特別是由其最知名弟子班尼狄甘巴貝治 (Benedict Cumberbat) 親自旁白。

 

 

本週開畫： 電影拉雜談 （2017年9月14日）

 

本週共有6套新片開畫： 寶貝神車手 (Baby Driver)，求生走佬Family (Survival Family)，美麗有毒 (The Beguiled)，黑白迷宮，絕望真相 2 (An Inconvenient Sequel: Truth To Power)，反藝術宣言 (Manifesto)。

寶貝神車手，Edgar Wright 導演，看片名以為本片係兒童片，但實鯀佢係一套以飛車為主嘅犯罪愛情片，再加上為數不少嘅七八十年代流行曲於本片穿插；本片兩位主角 Ansel Elgort 及Lily James 不算太有名，但配角倒是星光十足： 奇雲史柏西 (Klvin Speacy) 及占美霍士 (Jamie Foxx) 都有參予演出。本片節奏明快，配上一大埋流行曲，令人睇得相當高興，相當「爽」，而電影一開始十分鐵嘅飛車片段更是一絕；順便一提，本便一提，本片片名來自樂隊 Simon & Garfunkel 嘅同名歌曲，而 end credits 播出時亦有播出此歌。

美麗有毒，來自花旗國嘅電影，妮歌潔曼 (Nicole Kidman)、哥連法路 (Colin Farrell)、姬絲汀登絲 (Kirsten Dunst) 及艾麗芬寧 (Elle Fanning)主演，導演 Sofia Coppala 憑本片嬴得今年康城影展嘅最佳電影，本片故事不算複雜；美國南北戰爭期間，一名受傷的士兵來到一間女子寄學校的故事，因此，本片可說是因一個男人突然出現而引猜疑、嫉妒、怨恨嘅情慾文藝片。

求生走佬 Family，驕陽發行，矢口史靖導演，亞洲國際電影影2016參展電影，本片其實係一套末日災難片，不過本片以一過較為瘋狂及溫情手法表達，和上套「戀上春樹」(Wood Jobs, 2014) 比較，矢口導演用一個比教認真及人文角度去拍攝，不過不少還是當當惹笑；而本片主題相當簡單：在現今科技當單發達的社會，不要過份依賴科技，因災難一來臨，它們會比你想僕變得一文不值。

黑白迷宮，關家偉導演，任達華、陳小春、伍允龍、林雪、劉兆銘及李子雄主演，王三日監制，本片據報係「黑白三部曲」最終章 (另外套係黑白森林 (2003)及黑白戰場 (2005)，雖則近年王晶作品相當強差意，甚至乎喜劇片不好笑，但其江湖片還是處理得不錯，可以一睇。

絕望真相 2，本片繼績報導及評論前美國副總統戈爾 (Al Gore) 繼第一集 (2006)年後對環境保護作出的貢獻，以及批評美國總統特朗普 (Donald Trump) 上任後退出「巴黎氣候協定」一事，原意是好的，但據報本片說教意味頗濃，減少了我入場的意欲。

反藝術宣言，姬蒂白蘭芝 (Cate Blanchett) 一人分飾十二角，本片主旨係去批評藝術虛弱的一面，這片另我想起幾年前一套法國片「巴黎聖騎士」(Holy Motors, 2012)。

 

 

本週開畫： 電影拉雜談 （2017年9月7日）

 

本週共有7套新片開畫： 巴利薛爾：飛常任務 (American Made)，非常速盜 (Overdrive)，小丑回魂 (It)

烽火動物園 (The Zookeeper's Wife)，西謊極落：太爆‧太子‧太空艙，戰狼 II，愚行錄 (Gukoroku – Traces of Sin)

小丑回魂，由著名驚慄小說作家史提芬．京 (Stephen King) 所寫嘅同名小說改編，先旨聲明，本片不是 re-boot 作品，之前係1990年拍嘅只係電視電影，本片講述七名被欺凌嘅中學生，聯合起來在小鎮橫行無忌，殺人無數的惡魔「衪」("It") Pennywise，Pennywise 表面上係小丑，但實際上佢係心魔 - 即我們心底裡最害怕東西，因此，本片可說是一個戰勝心魔的教事，而本片也對小鎮裡成年人對欺凌及對不停有人失跡視若無睹的行為作出批判。最後，電影完畢出 end credits 時，才得知本片係第一集，會有續集，如果根據小說設定，會係本片27年後，七名主角長大後的故事，也只會係27年後才會拍仍，well.........

戰狼 II，據聞係今年全球票房排行第五，吳京自編自導自演，對小弟來說，本片既是強國自我興奮的愛國電影,也是一套奇情片；本片故事很簡單，係「第一滴血」 (First Blood) 系列加「美國隊長」系到嘅混合體；本片算係好睇，動作及戰爭場面的設計及調度的確有板有眼，見得下人；而「愛國」情懷同意識初期還頂得順，只係去到最後主角冷鋒成功眾人逃出戰地，回到聯合國中立基地的前後5分鐘，這時覺得有點不可思議，甚至可說幾可笑下。

西謊極落：太爆‧太子‧太空艙，中國3D 出品，周柏豪、連詩雅、林敏聰、張繼聰、鄭欣宜、蔡瀚億、林盛斌、雨僑及「十八座大王」宋本中主演，改編自網絡作家向西村上春樹 (有人話其本尊係胡耀輝，即電影一路向西 (2012) 導演本人)的作品。今次係第5次由網絡小說改編的電影，前4次係「一路向西」、「那夜凌晨，我坐上了旺角開往大埔的紅 Van」(2014)、「男人唔可以窮」(2014)及「壹獄壹世界．高登闊少踎監日記」(2015)；香港的網絡小說，起源自外界對其評價不一的討「高登討論區」，作為一個基本係 CD-ROM 係高登仔，也睇過唔少，部份的確寫得唔錯。

烽火動物園，高登先發行，謝茜嘉謝西婷 (Jessica Chastain) 主演，本片可說係真人真事改編，係動物版的「舒特拉的名單」(Schindler's List, 1993)。二戰期間，德國佔領波蘭，而華沙動物園園長及夫人，拯救不少動物及猶太人，以免他門免受納粹追殺及傷害，而園長夫人 Antonina Żabińska，則將此段事跡寫成小說 Ludzie i zwierzęta ( 英譯 People and Animals)。

巴利薛爾：飛常任務，湯告魯斯主演，今次係湯生今年內第3部主演嘅電影，本週另一套真人真事改編嘅電影，本片主人翁 Medellín Cartel，是一位民航機師，但他暗地裡為毒販運送毒品，有一天，美國中情局  (CIA) 找上他，要求協助收集情報，繼而運送其他違禁品的故事。

愚行錄，石川慶導演，妻夫木聰及滿島光主演，本年香港國際電影節( HKIFF) 參展作品之一，亦係第73屆威尼斯國際影展地平線單元的入選作品，本片和之前在香港公映的「怒」，都是探討人性陰間面嘅電影，而巧合地妻夫木聰亦有參予「怒」一片，本片講述一個家庭慘遭滅門，兇手一直未找到，而一名記者嘗試找尋真相的故事。

非常速盜，我覺得只係另一套「狂野時速」再加上古典汽車嘅電影，實在興趣不大。

 

 

本週開畫： 電影拉雜談 （2017年8月24日）

 

 本週共有八套新片開畫，星期四有六套： 俠盜聯盟，打死不離3父女 (Dangal)，再見亦是狗朋友 (A Dog's Purpose)，窮朋友．富朋友 (Little Men)，馬克白夫人的誘惑 (Lady Macbeth)，星光少男：彩虹舞台 (King Of Prism By Pretty Rhythm)；星期五則有一套：殺破狼．貪狼；星期六則有一套：星光少男：榮耀之爭 (King Of Prism Pride the Hero)。

俠盜聯盟，一套香港中國合拍片，馮德倫執導，劉德華、舒淇及尚·連奴 (Jean Reno)主演，這是一套典形華語主題嘅電影：有俠盜，有間諜，再加點鬥智嘅動作片，而本片再加上「伏片」嫌疑男主角箭華，所以小弟興趣不大。

打死不離3父女，一套印度電影，由迪士尼「後知後覺」發行，「印度劉華」Aamir Khan 主演，Aamir Khan 可算是印度最紅嘅明星，至少係香港，佢主演同香港有上演嘅電影，包括「作死不離三兄弟」(3 Idiots, 2009, 不過香港在2011年才上映)，「來自星星的PK」(PK，2014)，都非常受歡迎，及好看 (兩片都是小弟嘅當年十大之一)，而本片是真人真事改編，講述父親Mahavir Singh Phogat 自少訓練其大女 Geeta 及二女 Babita 為摔角手及長大後在2014年在印度肇行嘅英聯邦運動會獲獎嘅故事，而現實中，Phogat 更厲害，其四個女兒，甚至兩名姪女，均被 Mahavir 為摔角手，而 Geeta 則更早在國際賽取得突出成績。

再見亦是狗朋友，「秋田犬八千」(Hachi: A Dog's Tale, 2009) 導演賴斯荷士莊 (Lasse Hallström)執導，正如片名，這是一套講人和狗之間的友誼嘅電影，比較特別嘅是，片中的狗狗卻是「輪迴」了四次，共生存了五次，而每次都以不同面貌回來：由金毛尋回犬，到德國牧羊犬女警犬，哥基及聖伯納混澳洲牧羊犬，而當中狗狗都對其生存意義有所得著。

殺破狼．貪狼，「殺破狼」系列第三部電影，葉偉信導演，洪金寶任動作指導，古天樂、林家棟、Chris Collins、Tony Jaa、蔡潔、盧惠光及陳漢娜主演，一如以往，這是一套以人生命運，宿命及原罪為主題嘅動作片，本片拍出來命題算係清晰，打得很精采，而主角嘅演出，古仔嘅演出睇得出已盡力，不過很明題表演是有點勉強。

馬克白夫人的誘惑 (Lady Macbeth)，來自英國嘅電影，本片不是改編自莎士比亞1的話劇「馬克白 」，而是一本來自俄羅斯作家 Nikolai Leskov 於 1865 完成嘅具爭議性嘅小說「Lady Macbeth of the Mtsensk District」。本片涉及情慾、謀殺、以下犯上、陰謀及報復，以道德角度去睇，屬踩界作品，而當年同名歌劇因史太林狠批而慘遭批鬥。

 

 

本週開畫： 電影拉雜談 （2017年8月17日）

本週共有七套新片開畫保鑣救殺手 (Hitman's Bodyguard)，出貓特攻隊 (Bad Genius)，無名屍詛咒 (The Autopsy of Jane Doe)，銀魂 (Gintama)，夢鹿情緣 (On Body And Soul)，I.T.反監控 (I.T.) 及鮫珠傳。

保鑣救殺手，森姆積遜 (Samuel L. Jackson) 及死侍男主角 Ryan Reynolds 主演，片名已說明一切: 一個保鑣保護其僱主殺手時所發生的故事;本片似係一套典型美國B級片，本片粗口橫飛，應該有不少有味笑話，而本片其中一張海報也惡攪了其中一套經典保鑣電影「護花傾情」 （The Bodyguard, 1992)。

出貓特攻隊，今年暑假泰國電影三響炮中最後一部，這套表面係一瘋狂喜劇，以「職業特工隊」手法講述「出貓」的故事，但此故事想帶出嘅訊息卻是很深度，反映現今泰國社會狀況之餘，也對作弊呢種欺騙行為作出批判。幾年前，香港曾也有電影以出貓為主題（愛出貓，2009,導演七條），唯小弟未睇過，不知此片拍得如個。btw，飾演「明詩」嘅Oomeisaya 很 pure 很 true ，有點似我女神之一嘅朱千雪。

無名屍詛咒，巴福斯發行，一套美國獨立電影，今屆香港國際電影節參展電影之一，係電影節上映評價唔錯，認為劇本扎實，氣氛緊湊，在近期安娜貝爾2上映後，有部份影迷本片更為驚嚇。最後想說的是，用 Jane (女性，男性用 John) Doe 代表無名示，據知在18世紀已開始使用 。

夢鹿情緣 (On Body And Soul)，高登先發行，來自匈牙利，今年香港國際電影節參展電影之一，本片來頭不少，係今年柏林影展嬴得最高榮譽金熊獎，本片片名看似人同動物的故事，但本片原來係一套愛情片。

I.T.反監控，巴福斯發行，皮雅斯布士南 (Pierce Brosnan) 主演，本片原定6月尾上映，小弟在 Fox Movie 自選影院已經睇了，評語係: 好鬼悶下，睇落好勁好高科技下，但實際好鬼兒戲。

本週開畫： 電影拉雜談 （2017年8月10日）

 

 

本週共有8套電影開畫： 悟空傳，軍艦島 (The Battleship Island)，詭娃安娜貝爾：造孽 (Annabelle: Creation)，天使愛芭蕾 (Ballerina)，分裂性遊戲 (L'amant Double)，小企鵝大長征 2 (March of Penguins 2: The Call)，我的毒男叔叔 (My Unlce)，名偵探柯南劇場版：唐紅的戀歌 (Detective Conan: The Crimson Love Letter)。

悟空傳，一套中港合拍片，郭子健導演，彭于晏、余文樂、倪妮及歐豪主演，本片和郭導前作「西遊．降魔篇」(2013)無任何關連，但本片明片明顯周星馳主演嘅西遊記第壹佰零壹回之月光寶盒 (1994)及西遊記大結局之仙履奇緣 (1995) (兩片皆由劉鎮偉導演)，本片明題以漫畫化的喜劇形式指攝，但郭導還是在製作嘅限制中拍出自己風格，將自己的想法成功帶出及討論，這點郭導值得一讚。

詭娃安娜貝爾：造孽，「請切關燈」(Lights Out, 2016) 導演 David F. Sandberg 執導，本片係詭屋驚凶實錄 (The Conjuring) 系列延伸作品第二套，華納兄弟總算成功做出自己嘅電影世界 (之後已確定會有關於邪惡修女 (The Nun)同扭曲男 (The Crooked Man)嘅電影)，本片係三年前嘅詭娃安娜貝爾 (Annabellem 2014)嘅前傳，講述 Annabelle 的由來，本片故事算係有點亂來，但還算係講得通，兼凝造恐怖氣氛同手法的確幾好。

軍艦島，來自南韓嘅電影，講述二戰期間，一群韓國工人在軍艦島嘅經歷同之後逃亡嘅故事。端島，日本名「端島」，位在日本長崎縣長崎市外海的半人工島嶼，現時已荒廢，曾因附近海底煤礦而繁榮一時，有一段時間聚居了一大群煤礦工戈及其家人，人口密度比東京都還多；軍艦島面績只有0.063平方公里，但基本上設施及建築物齊全，可自給自足，因其獨特性，故有不少電影及音樂錄影帶在岷取景，在2015年被列為聯合國世界文化遺產之一，以突顯其在「明治工業革命遺蹟：鋼鐵、造船和煤礦」中的重要性。

分裂性遊戲，今年香港國際電影節參展電影之一，由著名法國導演「O先生」法蘭索瓦奧桑 (François Ozon)執導，和「O先生」其他電影一樣，本川係一套較奇情嘅愛情片，令人擔心是，「O先生」近幾套時好時壞，「一啖砂糖一啖屎」，今次成績如何，rt critics 58% audience 80%，well........

天使愛芭蕾，一套來自法國嘅英語電影，係第一屆香港國際兒童電影節 (2017) 選映電影之一，從電影簡介，本片係一套借跳舞講追尋夢嘅故事，較特別嘅係，本片廣東話版女主角由「美人魚」歐鎧淳配音。

我的毒男叔叔 ，香港亞洲電影節 (HKAFF) 2016 參展作品之一，「字裡人間」 (2013) 嘅男主角松田龍平主演，今次巧合地，松田龍平演譯嘅角式又是一個古怪的人： 一位學識豐富 (哲學講師)，但性格古怪兼又宅男，有一日他偶然遇上佢嘅女神，於是飛往夏威夷，展開追女之旅。

本週開畫： 電影拉雜談 （2017年8月3日）

本週共有5套電影開畫： Emoji大冒險 (The Emoji Movie)，鯊海47米 (47 Meters Down)，電影多啦A夢：大雄之南極凍冰冰大冒險 Doraemon the Movie 2017: Nobita's Great Adventure in the Antarctic Kachi Kochi)，黑金叛逃 (Our Kind Of Traitor)，建軍大業。

Emoji大冒險， Sony Pictures Animation 出品，本片可謂開創歷央； 爛曲蕃茄評過係0，而現時各大網站評分係: rt critics 7% audience 44%，imdb 1.5，Metascore 12，本片可謂華語版「天機： 富山春居圖」 (2013)，掀起了一小陣破地獄熱潮，而小弟看過後，覺得本片係「智能電話加小學雞教肯電視」嘅混合體，本片相當爛，爛到扣除正場前短片同正片嘅ending credits 後唔夠80分鐘，都覺得好悶同拖戲，爛到滿場觀眾下戲院好寧靜，笑聲非常疏落，爛到部份畫面好似未完成就交功課，Oh Shit！！！

一年一度嘅「叮噹」片「電影多啦A夢：大雄之南極凍冰冰大冒險」，「叮噹」電影絕對係發行商洲立嘅搖錢樹： 叮噹的觀眾群相當闊，由3歲到30歲，不過呢，自從 "Stand By Me"，本片又回到炒冷飯式冒險故﹛，小弟有點失望。

鯊海47米，同舊年另一套電影「奪命狂鯊」 (The Shallows) (2016) 有點相似，都是講水上活動期間出了意外，女主角要逃避鯊魚嘅攻擊，逃出困境，只是今次更危險： 潛水時載著主角嘅鐵箱斷纜，主角被困在47呎水底。

建軍大業，劉偉強導演，我有兩點想講： 第一，我無興趣係人打飛機的；第二，本片嘅宣傳方式相當好野： 找一班同套戲九唔搭八嘅藝人推介，他們不停讚個導演而又不講套戲本身，至於套戲講咩，有興趣嘅自己古狗好了。

本週開畫： 電影拉雜談 （2017年7月27日）

 

 

本週共有6套電影開畫，其中四套星期四開畫： 星際特工：千星之城 (Valerian And The City Of A Thousand Planets)，原子殺姬 (Atomic Blonde)，姊妹欲蒲團 (Rough Night)，京城81號II，另有一套星期五開畫： 報告老師！怪怪怪怪物！

星際特工：千星之城，導演洛比桑 (Luc Besson)，改編自1968-2010期間出版的法國漫畫 "Valérian and Laureline"，本作畫面同視覺效果應該會係唔錯，不過故事呢，以洛比桑導演同監製嘅往績，本片係有點伏，本片最終如何，要入場看過先知。

原子殺姬，查理絲花朗 (Charlize Theron)及占士麥艾禾 (James McAvoy) 主演，本片宣傳時，自稱為男版"John Wick"，唔難估到，本片女主角會係殺手或間謀之類物體，而影片風格會係打得有形。

姊妹欲蒲團，「累寡婦」Scarlett Johansson 主演，一看片名，就知係男版「醉爆伴郎團」(Hangover)  ，本片應該會係有點瘋狂同帶點低俗嘅喜劇而係八月，華語片有另一套類似題材嘅電影 (閨蜜2之單挑越南黑幫)上映。

報告老師！怪怪怪怪物！，導演九把刀，今年香港國際電影節閉幕電影之一，上套九把刀監製及編劇的作品「樓下的房客」(2016)，以經係一套比較偏鋒嘅作品，而本片首映，九把刀多次要求睇過嘅觀眾不要穿橋，加上睇過嘅影友不要錯過最後十分鐘，及九把刀的才華，小弟對本片是有點期望。

 

 

本週開畫： 電影拉雜談 （2017年7月20日）

 

本週共有6套電影開畫：鄧寇克大行動 (Dunkirk)，編寫美好時光 (Their Finest)，喵星人，劇場版星光樂園 一起閃耀吧！閃亮亮星光Live！(Pripara The Movie 2017) ，乾杯！日本清酒最高 (Kampai! For The Love Of Sake)，甜蜜假象 Sweet Dreams，巧合地，有兩套同"鄧寇克大撤退"（或者叫戰役）有關。

鄧寇克大行動，導演基斯杜化路蘭（Christopher Nolan )，Fionn Whitehead 飾演片中核心角式 Tommy，呢套係小弟今年最期待嘅電影之一，本片主要以 IMAX片 菲林拍攝，所以本片要睇 IMAX 版，而本片片名已說明一切，係呢個禮拜第一套「鄧寇克」電影；呢場戰役，係第二次世界大戰嘅關鍵戰事之一，1940年5月10日，德軍80萬兵力突破馬奇諾防線，令在法國的英國，法國及比利時嘅40萬大軍被圍困，英法比司令部決定撤退，至5月20日撒退至法國海邊小鎮鄧寇克附近，唯當分隔英法兩國的英吉利水峽已被德軍控制，而德軍卻在鄧寇克10英里外準備追擊，面對大軍可能全滅嘅情況下，5月26日，英軍決定即時動員民間力量，超過850隻船隻，即時穿梭英吉利海峽，運送英法比盟軍前往英國，巧合地，希特拉下令德軍停止追擊，令這場大撤退奇跡地，以最少傷亡人數完成： 34萬大軍安全撤回法國，令盟軍兵力得已保存，為4年後1944年嘅反擊，保存珍貴嘅兵力，我相信，如果呢場戰役失敗，世界將會改寫，至少二戰要遲五至十年才完結。

編寫美好時光，Gemma Arteton, San Clafiln 及 Bill Nighy 主演，高登先發行，本週另一套鄧寇克嘅電影，本片和之前上映嘅「明月幾時有」有點相似，都是講一班平民，在戰事中怎樣為戰事出力及他們當時日常生活，片中當時為1940年盟軍為激勵軍民嘅士氣，決定將剛發生嘅鄧寇克戰役拍成電影，而「編」一片就是說明這個故事。

乾杯！日本清酒最高，一套日本紀錄片，係安樂繼「潮拜竹地: 魚味無窮」，引入嘅另一套講日本飲食文化嘅電影，藉著釀酒師，品酒師，居酒屋老闆及酒客的互動，道出日本對清酒的重要性及其文化。

喵星人，陳木勝導演，萬寧貓及古天樂，睇預告片覺得呢套係大伏，無野補充。

 

本週開畫： 電影拉雜談 （2017年7月13日）

本週共有6套電影開畫： 猿人爭霸戰：猩凶巨戰 (War For The Planet Of The Apes)，容易受傷的男人 (Mr. Hurt)，反斗車王3 (Cars 3)，臘腸狗四圍走 (Wiener-Dog)，無名女孩 (The Unknown Girl)，魔導少年劇場版: 龍之淚。

猿人爭霸戰：猩凶巨戰，猿人啟示錄 (Planet of the Apes, 1968) 前傳系列第三集，也是主角 Caesar 出現嘅最後一集， 猿人啟示錄現時視為科幻電影嘅經典之一，這套電影當時很有原創性：一班太空人，意外來到一個星球，結果發現該星球由猿管治，而人類成為奴隸。當年很多人該片離經叛道，現在人們欣賞它深入探討人類文明。講番本片，本片故事及劇本完整，仲使本片文戲為主，動作為輔，但仍然令人覺得扣人心弦，Michael Bay (「變形金剛」導演)及 Tom Cruise (「盜墓迷城」演員)應該好好向本片學習。另本片巧合地，部份場景和香港近況有點相似，這令我睇得更投人，睇完有點感觸。

反斗車王3，彼思動畫 (Pixar) 第18套作品，廣東話由林海峰，西瓜，鍾景輝，方健儀，馬啟仁及朱咪咪有份參予，反斗車王系列頭兩集無論票房同口碑不算理想，因此彼思決定拍攝第三集，我有點意外；和前兩集比較，本集的確有很明顯嘅進步，畫功很扎實，有很多場面我分不清真實與虛疑，而故事深度也改善及真實不少；但和彼思其他電影比較，本片還是有改善的空間： 我承認，我有一兩次我幾乎訓著。

容易受傷的男人，名威發行，一部來自泰國嘅電影，桑尼舒雲門塔諾 (Sunny Suwanmethano) 第三次出現香港嘅戲院 (之前係6月上映嘅戀愛病發 (Heart Attack, 2015)及我很好…愛死你 (I Fine..Thank You..Love You, 2014))，也是今年暑期泰國電影三響炮中第二部作品 (8月仲有一套出貓特攻隊 (Bad Genius, 2017)。泰國拍愛情電影很有一手，香港曾公映的，除之前講嘅「戀愛病發」及「我很好…愛死你」外，還有一日情人 (One Day, 2016) 及來自日記的你 (The Teacher's Diary, 2014)；本片也相當好看同好笑，只是我還是較喜歡「戀愛病發」，當中女主角有點似朱千雪，我有點喜歡她。

臘腸狗四圍走，來自今屆香港國際電影節參展作品之一，來自美國，藉著一隻狗和四段人生的故事，片長出乎意料只有87分鐘，聽聞評價不錯，本片應該可說是短少精桿；而8月，有另一套以狗為主題嘅電影 (再見亦是狗朋友, A Dog's Purpose) 公映，喜歡狗的你不要錯過。

本週開畫： 電影拉雜談 （2017年7月6日）

延續上週嘅弱形，本週新片繼續交投淡靜，只有兩套開畫： 明月幾時有及蜘蛛俠： 強勢回歸 （Spider-Man: Homecoming)。

明月幾時有，片名來自北宋文學家蘇軾嘅作品「水調歌頭」嘅第一句，許鞍華導演，葉德嫻，周迅， 彭于晏，王菀之等主演及一眾紅星（如黃修平，唐寧，呂良偉，春夏及梁文道）客串演出，本片講述二戰時香港及東江縱隊（游擊隊）嘅故事；本片原明顯是一套很主旋律嘅電影，但落在許導手上，卻是一套在主旋律帶點「天水圍的日與夜」 (2008)味道嘅電影： 本片以一個很壓抑，中立及不太英雄化嘅手法去拍攝，因此本片相對其他二戰時代背景嘅電影 （如許導前作黃金時代（2014）），會顯得比較平淡，沒有太大起伏及中肯，這種手法我頗認同。而本片係自等待黎明 (1984, 梁普智導演) 及香港淪陷 (1994, 錢文琦導演，王三日監制) 後，第三套以日本佔領香港為題嘅香港電影，及第一套有講及東江縱隊嘅事跡。

東江縱隊，全稱廣東人民抗日游擊隊東江縱隊，故名思義，是一支在二次大戰期間在廣東省以游擊戰形式作戰嘅部隊，1938年成立，代表人物有曾送及劉黑 (片中分別由呂良偉及彭于晏飾演)，他們活躍於東莞、寶安及香港一帶，於戰爭後期由共產黨控制，故之後其歷史觀點也由共產黨角度出發，由於大部份歷史皆為口傳及缺乏文獻支持，故有關歷史很多時會為誇大及神化之嫌，不過佢地的確為抗日出過不少力，而當中嘅傳奇人物劉黑仔的確可以稱得上智勇雙全的。最後，我希望有香港片商及導演，拍攝香港抗日另一無名英雄"加拿大兵團"的故事，雖則應該不會有人作出如此政治不正確嘅決定。

蜘蛛俠： 強勢回歸，Tom Holland 飾演主角，蜘蛛俠近年第二次 reboot，也是 Sony (蜘蛛俠電影版權持有人) 及 Marvel Studios 首部以某種形式一同拍攝嘅電影 (發行商仍是 Sony Pictures)，也是蜘蛛俠第二部出現在 Marvel Studios Universe 嘅電影，電影設定在美國隊長3：英雄內戰 (Captain America: Civil War, 2016)之後，也因如此，本片沒有再次復述 Peter Parker 的舅父怎樣遇害及 Peter Parker 成為蜘蛛俠嘅經過，這令本片並不沉悶，而本片用一個小人物嘅角度拍攝，令本片顯得並不離地，兼且相當有趣好看，最後，美國隊長用一個攪笑嘅角度客串本片，有很好的點綴作用，特別係字幕後第二段彩蛋 (是什麼？ 自己睇啦！)

本週開畫： 電影拉雜談 （2017年6月29日）

本週臨近香港主權移交20週年，但出乎意料新片淡靜，只有兩套新片開畫: 今晚打喪屍及壞蛋掌門人3 (Despicable Me 3)，另香港製造(1997)復修版於7月1號主權移交20週年當日開始作特別放映。

 

今晚打喪屍，導演盧煒麟首部作品，白只，張繼聽，顏卓靈，王敏奕，萬梓良及吳嘉麗有份演出，自活死人之夜 (Night Of the Living Dead, 1968)後，喪屍片自始成為一個熱門片種，不斷有人製作此類電影，近年更加入不少新元素，為此類電影帶來新景像，而香港也拍過不少，最經典應該係葉偉信導演嘅 "生化壽司" (1998)，今次影成績如何? 我會說是個人風格很強，部份場面係低成本下算係可觀，演員整體表演合格，當中萬子同張繼聰尢其特出，不過，本片不足地方很明顯，導演故事叙事能薄弱，令到劇本鬆散，主題多而模糊，焦點不清是其最大敗筆，最後想說的是，以本片嘅政治隱喻，安排係6月尾7月頭呢個政治敏感時刻公映，不知是否刻意呢?

 

壞蛋掌門人3，同系列電影第四部電影，也是本片製作公司 Illumination 第8部作品，一向以來，Illumination 的作品，相對於 Pixar，會係比較欠缺深度同小朋友向，今次也不例外，唯一例外的，是今集引用了不少80年代流行曲，同今次部份笑位有點兒童不宜，另結尾嘅彩蛋，幾乎可以肯定一定有第四集。

 

香港製造修復版，早前已於第四十一屆香港國際電影節作世界首映，同時亦係因香港成立20週年而主辦嘅電影回顧展"範轉移: 後九七香港電影"開幕電影，修復後嘅本片，影像同聲音質素的確改善不少，但原有嘅菲林感卻也有不少流失，儘管如此，看罷修復版，本片嘅九七時代感仍然很强，而片中講及嘅訊息，到今天仍然很適用，觀眾（至少小弟）仍然很感同身受，本片仍然追得上時代。

 

 

 

本週開畫： 電影拉雜談 （2017年6月22日）

本週有7套新片開畫： 那一年，我17，變形金剛：終極戰士 (Transformers: The Last Knight)，爸不得回家 (A Family Man)，惡女 (The Villainess)，戀愛病發 (Heart Attack)，再一次禁戀 (Una)，女人永遠是對的。 

 

那一年，我17，陳雅莉導演，viutv 文青女神袁澧林, C All Star 嘅 吳崇銘 (king), 彭永琛， 森任燊， 馬曼莉，梁健婷，田雞田啟文及譚玉瑛姐姐有份演出，本片繼"骨妹"後，今年另一套來自澳門嘅電影，睇番劇情預告，既有點似那些年，又有點似 舊年嘅愛爾蘭電影Sing Street，所以呢套應該係一套幾清新嘅青年愛情片，估計應該會有唔少年想睇........雖則本片場次安排唔多理想。

 

變形金剛：終極戰士，Michael Bay 導演，麥克華堡及安東尼鶴健士有份演出，一睇到米高悲，大家應估到本片好大機會會係技術一流，劇本九流嘅電影，自從上集第四集被拍成爛後，加上今集橋段又老土之餘不大吸引，小弟入場意慾不大。

 

爸不得回家，戰狼300嘅謝拉畢拿 (Gerald Butler) 主演，單看片名，本片會係一位爸爸係定制庭工作之間抉擇嘅故事，不過呢，點解發行公司會將本片揀係父親節後先公映本片，另我睇預告片時提到本片可媲美"最美麗的安排" (Collateral Beauty) 後，小弟上網古狗了佢嘅 rt critic score，結果是 9%， well...............

 

惡女，來自南韓嘅電影，鄭秉吉導演，今年康城影展的「午夜單元」中三部獲選電影之一，有康城嘅加持，所以本片嘅手法同水準應該唔錯....... 雖則類似手法當，去年嘅《爆機特攻》（Hardcore Henry）已試過。 

 

戀愛病發，來自泰國嘅電影，高登先發行之餘，仲有杜 sir 杜琪峯嘅加持，本片似乎唔錯，加上有睇過網友話呢套係一套單純愛情片，小弟有興趣想知呢套做緊乜傢伙。

 

再一次禁戀， 百電獨家嘅特別放映，英文原名 Blackbird ， Ronney Mara 主演，故事主題和經典電影"一樹梨花壓海棠" (Lolita) 一樣，都是一段禁忌之戀的故事，改編自經典舞台劇黑鳥，自 Lolita 後，妹愛熟男這類題材，已經被拍了不少次，較出名有"美有罪" (America Beauty) ， "慾海潮" (Poison Ivy)，及港產片 "那個少女不多情" (你無估錯，呢套係愛情動作片)，本片今次會否有帶來新嘅觀點及手法，會係今次焦點之一。

 

女人永遠是對的，高志森導致，衛詩雅，張可頤，張繼聰及万刀甲主演 ，呢套演員組合尚算吸引，但一睇見導演係愛黨愛國的高志森，加上故事大鋼俾人有很電視劇 feel，入場意慾即刻無左九成，講完。 

 

最後，本週同場加映：「因院換系統蝦碌花生show」，因院呢，本來係戲院嘅大哥之一，曾此入頗多新意，為香港戲院嘅改革同服務水平提升有不少貢獻，只是早幾年換左老細同管理層後，服務水平開始下跌，及會員優惠越來越縮水，佢地係岩岩嘅星期一 (19/6) 更換新嘅售票及會員系統，本來呢，以現今香港 IT 嘅水平，應該不會有太大問題，不過因院今次卻可攪出亂子來： 售票系統不能讀取會員資料，因而無法提供會員折扣及儲分；新會員証上無個人資料，但無厘頭出現一組 serial number ；會員本身嘅優惠卷無故消失；後期更出現取票機集體故障，所有經網上購票嘅要排隊去票房攞飛。而各種問題，去到今日(星期五)，即四日後仍未解決，佢地係面書嘅專題貢出現不少怨言同投訴。 

 

 

本週開畫： 電影拉雜談 （2017年6月15日）

本週有8套新片開畫： 原諒他77次，生化危機：血仇殺戮 (Resident Evil: Vendetta)，嫲煩家族 2 (What A Wonderful Family! 2)，蕩寇風雲，去吧！啦啦兵團 (Let's Go, JETS! From Small Town Girls to U.S. Champions?!)，目擊者，玩謝大作家 (The Distinguished Citizen)及總統與歌神 (Elvis & Nixon)

嫲煩家族 2，今屆HKIFF選片之一 ( 聽聞香港係世界首映) ，由山田洋次執導，係小弟本月重點，本片係東京家族班底參與係第3套電影 (前兩套為"東京家族" (Tokyo Family, とうきょうかぞく) (2013)及"嫲煩家族" (What A Wonderful Family!, 家族はつらいよ) (2016)，故整個劇組有很好嘅默契；本片和早前上畫，現時仍上映中嘅瑞典電影"想死無咁易" (A Man Called Ove)，都是用帶點傷態嘅喜劇手法去談及老人及家庭等嚴肅話題，不過"想死無咁易"就比較似黑色喜劇，而本片就比較"瘋狂抵死"；另山田洋次和是枝裕和，都是我很喜歡嘅電影，風格也很相似，二人電影人很喜歡談及家庭，不過是枝裕和嘅手法較為平實，而山田洋次則較風趣幽默。

原諒他77次，同樣是今屆HKIFF選片之一，邱禮濤執導，李敏編劇，蔡卓妍、周柏豪、衛詩雅主演，本片是導演邱禮濤和編劇李敏係今年第三次合作 (之前係"拆彈專家"及"失眠"(聽聞稍後仲有一部)，而這三部電影片種幾乎完全不同，這程合作方式實在有點有趣；講番本片，回到李敏比較拿手的愛情片，故我相信本片嘅故事會比較完整，及拍出黎嘅效果會相當唔錯，王於本片另一女角衛詩雅，小弟對妹印象唔錯，演技唔差及可塑性甚高，絕對值得留意。

玩謝大作家，一部來自阿根庭嘅電影，亦係今屆HKIFF選片之一，及代表阿國參予第89屆奧斯卡最佳外語片，片中男主角 Oscar Martinez 獲得威尼斯影展最佳男主角，本片和另一之前在港公映嘅自阿根庭電影 " 無定向喪心病狂" (Wild Tales) (2014)，是一部黑色幽默又有點瘋在嘅電影，借一個剛獲諾貝爾文學獎嘅作家，回到家鄉參予慶祝活動遇到嘅"光怪陸離"，去論述文學中文學中嘅真與假，作者與讀者嘅互動及社會對突然獲得讚賞人仕嘅態度等等不同話題，是一個甚為有報嘅故事。

生化危機：血仇殺戮是以生化危機為主題嘅第9部電影，也是由 Capcom 主導嘅 CG 系列第3集，自從真人版6集被拍爛後，今集CG版自之前果集2012年闊叮5年，兼有"咒怨"系列導演清水崇任執行製片，令人有點期望，而小弟聽聞初步評價也不差，令我有點入場意慾。

總統與歌神，巴福斯發行，一部"失驚無神"公映嘅電影，它只有3間戲院，兼全部灰港島及放映時間安排極為譬呢，我心想巴福斯如此安排電影放映，咁一早不應購入本片啦；本片嘅賣點，除左片名二人嘅軼事外，相信就是飾演總統尼克遜嘅奇雲史帕西 (Kevin Spacey)，呢套係佢係紙牌屋 (House of Cards) 飾演總統 Frank Underwood 後，再一次扮演類似角色，係紙牌屋中，奇雲史帕西很精準演譯一個總統應有嘅威嚴，強勢及個人魅力；另翻查資料，有尼克遜嘅電影也不少，教出名有其個人傳奇電影Nixon (1995) (由 Anthony Hopkins 飾演), J·艾德 (J. Edgar) (2011) (由 Christopher Shyer 飾演), 白宮管家 (The Butler)  (2013) (由John Cusack 飾演), 變種特攻：未來同盟戰 (X-Men: Days of Fute Past) (2014) (由 Mark Camacho 飾演)

去吧！啦啦兵團，廣瀨鈴及天海祐希主演，故事則老生常談啦: 一班廢青，被人睇死，最後由一位魔鬼老師帶領下，參加世界賽，羸得冠軍，不過此片預告尚算吸引，都令人有點期望，邢天海祐希繼"女王的教室"後， 再一次扮演"魔鬼教師.............雖則今次係攪笑嘅。

本週開畫： 電影拉雜談 （2017年6月8日）

本週有5套新片開畫： 盜墓迷城 (The Mummy)，熱血狂拳 (Breed For This)，翩翩人生波麗娜 (Polina)，殘影 (Afterimage)，八月

 

盜墓迷城，由湯告老師 (Tom Cruise) 主演，呢套不單只又係一套 re-boot 電影，仲係環球影業自己創立嘅 "Dark Universe" 開路作品， "Dark Universe" 係由一眾 "Universe Monsters" 組成，之前已曾拍成電影 (如"吸血鬼伯爵" (Dracula)，"科學怪人" (Frankenstein)，透明人《Invisble Man))，為了對抗迪士尼嘅 Marvel Universe 同華納嘅 DC Comics Universe，環納將呢堆之前毫無關係嘅電影，藉新建立嘅 Dark Universe 串連起來及重拍；另一方面，而湯告老師今年已經55歲，但仍然接拍不少動作片，包括職業特工隊系到，烈探狙擊 (Jack Reacher) 系列及即將開拍嘅"壯志凌雲2" (Top Gun 2)，可謂相當有活力；不過呢，之前盜墓迷城3已經拍爛左，我對整個 Dark Universe 系列嘅電影嘅成果，我倒相當懷疑。

 

熱血狂拳，米爾斯泰勒 (Miles Teller) 飾演片中嘅主人 Vinny Pazienza，Pazeinza 的經歷絕對係一個經典勵志故事，他勝出拳王後，遇上可致命嘅嚴重車禍，但佢無放棄，克服艱難兼痛苦嘅康復療程，最後重新投入訓練，及再次登上拳王寶座；而 Miles Teller 繼"鼓動真我" (Whiplash) (片中佢不停被 J. K. Simmons 主演嘅 Terence Fletcher 問侯 "are you dragging or rushing?")後，另一套令人留下印象嘅電影，不過呢，佢因片酬問題而放棄另一套更經典嘅電影"星聲夢裡人" (La La Land)，就絕對相當可惜。

 

八月，導演張大磊嘅導演處女，兼第53屆金馬最佳劇情片，根據電影簡介，呢套電影承傳侯孝賢《童年往事》的鄉情，與杜魯福《四百擊》的風格，睇來應該係一套不錯嘅電昜，不過係 香港只能係百老匯電影中心以"特別放映"形式公映，意味場數不會太多，要 睇嘅話，真係要夾時間.......

 

 

本週開畫： 電影拉雜談 （2017年6月1日）

本週有5套新片開畫，其中"神奇女俠" (Wonder Woman) 提前於星期二 (30/5) 端午節開畫，"沙灘拯救隊" (Baywatch) 於上星期四開始有大規模優先場，其餘3套為謎情日記 (The Sense Of An Ending)，"情留波圖" (Porto)，以及於星期六開畫的"吃吃的愛" 

"神奇女俠"為華納正式開啟 DC Comics Universe 後第4套作品，為免大家唔記得之前係邊3套，我講一次好了: 超人：鋼鐵英雄 (Man of Steel, 2013), 蝙蝠俠對超人：正義曙光 (Batman v Superman: Dawn of Justice, 2016), 自殺特攻 (Suicide Squad, 2016)，今次「神奇女俠」算係暫時整個系列叫做最好，至少故事完整及人物性格鮮明之餘，影片係娛樂性及個人風格取得不錯嘅平衡， 也令我對年底嘅正義聯盟 (Justice League) 有番d信心；希望華納繼續努力，同唔好之前，太急於要交出成績，畢竟 Marvel 花了不短時間同篇幅，去建立自己嘅 Universe 同而家嘅成績。最後想講嘅係： 今次嘅女主角的確很好， Gal Gadot ，不單樣靚身材正，有公主果種端莊之餘，更有風趣幽默嘅一面，兼且動感一流，睇得又打得，若果之前 "蝙蝠俠對超人" 無佢，套戲會更難睇，而佢之前為人熟悉嘅，就係狂野時速系列嘅 Gisele Yashar 一角了。 

"沙灘拯救隊" 原來今次係首次被改篇為電影,2從導演Seth Gordon (邊個波士唔抵死 (Horrible Bosses, 2011)就知道，今次電影會走喜劇風格，出來嘅作品一如所料： 瘋狂，低俗，兼有點「粗鄙」係少少「屎尿屁」味道，我不是說本片不好看，相反，它令人很開心愉快咁過左兩個鐘： 不用太多腦筋思考，而笑點也還算不錯，順便一提，今次係 "the Rock" Dwayne Johnson 係香港亮相嘅第3部作品，據聞之後仲會有一套....... 

"情留波圖"，高登先發行，睇片名，似係真．活地亞倫作品，睇影片簡介，又有點似 Richard Linklater 嘅 "Before Trilogy " ，實際系點，要入場睇過先知，點都好，本片係以 J. Abrams 嘅 Star Trek 系列而聞名嘅 Anton Yelchin 嘅遺作之一。

 

謎情日記，改編自 Julian Barnes 係2011年寫嘅同名作品，由 Ritesh Batra 執導，Batra 之前嘅作品" 美味情書" (The Lunchbox) 十分好看，今次我覺得有點退步，不過電影還算不錯的。

本週開畫： 電影拉雜談 （2017年5月25日）

 

本週只有4套新片開畫(上星期有9套)： 加勒比海盜：惡靈啟航，流亡詩人聶魯達，巴黎影舞者及想死冇咁易。另加一套有大規模優先場： 沙灘拯救隊。

加勒比海盜：惡靈啟航 (Pirates of the Caribbean: Dead Men Tell No Tales) 由尊尼特普 (Johnny Depp)主演，今次係此電影系列第5集，第一集於2003年上映，第一集雖則不算出色，但娛樂性還算不錯，第二集到第四集，幾乎可以用"爛片"來形容，因此第四集(2011)後宣佈有後續，小弟甚感驚訝 ；而本系列係尊尼特普嘅代表作，其他佢較出名作品有愛麗絲夢遊仙境1及2 (2010及2016)，超越潛能 (2014)及朱古力獎門人(2005)，我心目中呢，尊尼特普有份主演嘅電影普遍評價不算太好。

流亡詩人聶魯達 (Neruda)  來自智利，係今屆HKIFFF參展作品之一，本片由 Palbo Larrain 執導，其之前作品「向政府說不」(No) (2012)拍得甚為出色，但另一套舊作"第一夫人：積琪蓮‧甘迺迪" (Jackie) (2016) 就強差人意啦，正如片名，本片是巴勃羅·聶魯達 (Palbo Neruda)的故事，聶魯達是智利政客及詩人內夫塔利·里卡多·雷耶斯·巴索阿爾托 (Neftali Ricardo Reyes Basoalto)的筆名，於1904年出生，曾任駐緬甸領事，1945-1952年期間因加入其產黨及反對總統魏德拉（González Videla）以及被右翼極端分子控制的智利政府被驅逐出國，於1971年獲諾貝爾文學獎，在1973年在智利發生了美國尼克遜政府支持的皮諾切特軍事政變後「病逝」，享年69歲。

巴黎影舞者 (The Dancer) 為今年「法國五月」電影部份嘅選片之一，講述「光之女神」現代舞先驅洛伊富勒的成名故事。

至於優先場「 沙灘拯救隊」(Baywatch)呢，本片又係舊片重拍嘅電影，從加勒比海盜再次啟動，加上本片及6月上映盜墓迷城，可見美國荷里活大形片廠對新嘅原創故事及劇本缺乏去到一個幾嚴重嘅程度 ；說回本片，本片原為1989-2001年期間播出嘅電影劇，最出名嘅參與演員為"波霸" Pamela Anderson..................