本週開畫： 電影拉雜談 （2017年5月25日）

 

本週只有4套新片開畫(上星期有9套)： 加勒比海盜：惡靈啟航，流亡詩人聶魯達，巴黎影舞者及想死冇咁易。另加一套有大規模優先場： 沙灘拯救隊。

加勒比海盜：惡靈啟航 (Pirates of the Caribbean: Dead Men Tell No Tales) 由尊尼特普 (Johnny Depp)主演，今次係此電影系列第5集，第一集於2003年上映，第一集雖則不算出色，但娛樂性還算不錯，第二集到第四集，幾乎可以用"爛片"來形容，因此第四集(2011)後宣佈有後續，小弟甚感驚訝 ；而本系列係尊尼特普嘅代表作，其他佢較出名作品有愛麗絲夢遊仙境1及2 (2010及2016)，超越潛能 (2014)及朱古力獎門人(2005)，我心目中呢，尊尼特普有份主演嘅電影普遍評價不算太好。

流亡詩人聶魯達 (Neruda)  來自智利，係今屆HKIFFF參展作品之一，本片由 Palbo Larrain 執導，其之前作品「向政府說不」(No) (2012)拍得甚為出色，但另一套舊作"第一夫人：積琪蓮‧甘迺迪" (Jackie) (2016) 就強差人意啦，正如片名，本片是巴勃羅·聶魯達 (Palbo Neruda)的故事，聶魯達是智利政客及詩人內夫塔利·里卡多·雷耶斯·巴索阿爾托 (Neftali Ricardo Reyes Basoalto)的筆名，於1904年出生，曾任駐緬甸領事，1945-1952年期間因加入其產黨及反對總統魏德拉（González Videla）以及被右翼極端分子控制的智利政府被驅逐出國，於1971年獲諾貝爾文學獎，在1973年在智利發生了美國尼克遜政府支持的皮諾切特軍事政變後「病逝」，享年69歲。

巴黎影舞者 (The Dancer) 為今年「法國五月」電影部份嘅選片之一，講述「光之女神」現代舞先驅洛伊富勒的成名故事。

至於優先場「 沙灘拯救隊」(Baywatch)呢，本片又係舊片重拍嘅電影，從加勒比海盜再次啟動，加上本片及6月上映盜墓迷城，可見美國荷里活大形片廠對新嘅原創故事及劇本缺乏去到一個幾嚴重嘅程度 ；說回本片，本片原為1989-2001年期間播出嘅電影劇，最出名嘅參與演員為"波霸" Pamela Anderson..................

 

本週開畫： 電影拉雜談 （2017年5月18日）

本週共有9套新片開畫： 訪‧嚇、失眠、毒。誡、圓美圈套、二十比十六、雌貓們之夜、唔多掂老師、畢作虧心事、一週的朋友及傷物語III: 冷血篇。

訪‧嚇 (Get Out)，成本只係四百五十萬美元，但爛番茄專業評分98% 觀眾評分88%，已知本片來頭不少。一套黑色驚嚇懸疑片，黑色不單是指主角，還有指其故事本身，香港譯名令人以為是一套靈異電影，但實則完全無關，儘管如此，本片劇本完整突出，單用拍攝手法而不用很多額外視覺聲音效果，兼無大哂鹽花嘅情況下，已成功形做出一個令人由心底裡不寒而慄嘅故事，實在要歸功導演兼編劇 Jordan Peele。

失眠，邱禮濤導演，黃秋生及衛詩雅主演，本片係邱黃二人第十一次合作，也是二人繼人肉叉燒包及伊波拉病毒後，第三次在呢類重口味嘅作品，邱導嘅作品水準頗為參次，雛妓，選老頂係水準之上，浮華宴，兇手選未睡叫同事拆彈專家則口碑麻麻，儘管如此，我對呢套仍是有點期望的。

毒。誡，劉國昌導演，劉青雲飾演此片嘅主角，慈雲山十三太保阿頭，綽號“茅躉華”嘅陳慎芝，陳生嘅傳奇故事，我不覆述啦，佢嘅故事，係1995嘅亦曾拍成電影“慈雲山十三太保”，主角由巫啟賢，佢憑本片贏得第15屆香港電影金獎像最佳新人獎，而佢近年最出名嘅事跡，係兩年前係蒙面歌王節目中，出乎意料認唔出宗禮勤把聲。

圓美圈套 (The Circle)，Tom Hanks 及妙麗 Emma Watson，睇片名此片應該係陰謀懸疑片吧？ 片中 Emma Watson 係由 Tom Hanks 經營嘅社交平台 the Circle 工作，不知此片有無明示暗示係指某G字頭嘅網站呢？寫文時巧合地fb 出現一篇一位家長係學校 whatsapp 群組失言後被cap圖擺上網而引境熱烈討論嘅事件..........

二十比十六，劉松仁有份演出，睇片名以為係講打乒乓波嘅故仔，是一套香港商人發跡史故事，故事的主人翁係葉氏化工創辦人之一葉志成，根據維基百科，葉氏嘅前身「恆昌行」係1971年成立，原本銷售煤油產品，其後轉型專注於銷售及生產化工產品，包括溶劑、塗料及潤滑油，1991年係聯交所上市，照睇，葉氏都算係一個實幹嘅實業家黎嘅。

雌貓們之夜，本片為日活45週年remake系列中嘅第五部，故事係軟性咸片，即“少少咸 多多脆"果隻，但呢個系列唔同，本系列或多或少有對日本嘅社會現況作出批判。

唔多掂老師 (The Teacher) ，一套來斯伐洛克嘅電影，片名貌似抽某特區政員嘅水，但本片的主題是嚴肅的： 社會及教育制度，本片係今屆HKIFF參展作品之一，於“天主教文化獎”中獲得特別表楊獎。

畢作虧心事 (Graduation) 來自羅馬尼亞，亦係今屆HKIFF參展作品之一。
訪‧嚇、失眠、毒。誡、圓美圈套、二十比十六、雌貓們之夜唔多掂老師、畢作虧心事、一週的朋友及傷物語III: 冷血篇。

本週開畫: 電影拉雜談 (2017年5月11日)

本週共有5套新片開畫： 異形： 聖約，29+1，神劍阿瑟王，鬼魅時尚及玩轉身後字。

異形： 聖約 (Alien: Covenant)係本週其中一套重頭戲，列尼史葛導演，呢套係異形前傳三部曲第二集，承接上集普羅米修斯嘅故事，繼續講述尋找人類起源嘅故事，繼 Marvel Universe, Star Wars Universe 同景甜宇宙觀後， 另一個宇宙觀 Alien Universe 也藉著今集順利建，也因如此， 今集入場前， 有一點功課係要做嘅，BTW，早兩年前，有幸係戲院睇到異形第一集嘅修復版，驚訝很多位做得很細緻。

29+1，由同名嘅舞台劇改編，今次電影版亦係由舞台劇導演兼主角彭秀慧執導，主角由一人分飾變為二人分飾：“娜姐”周秀娜飾演林若君，鄭欣宜飾演黃天樂， 呢套我係一個月前若君/天樂42歲生日後兩日睇左，呢套絕對係一套很“女人“嘅電影，不過男性觀眾應該都會感到感到，另本片拍出嘅舞台劇感，比起其他同樣係改編嘅（對上一套應該係張學友同林嘉欣主演嘅"暗色天堂"）不算很強，呢點算係做得幾好。

神劍阿瑟王 (King Arthur)，一套講及一個經典英國神話嘅故事： 阿琵王從石中拔劍後，成為英國國王嘅故事；話說這是一個經典嘅神話, 但我都係幾年前由網上遊戲"大航海時代Online"才得知： 這個遊戲中文版，自2006年1月開始，至今仍在營運中，遊戲中有不少關於考古及宗教等古文明嘅任務；而香港，有一位仁兄亦被稱為阿瑟王： 中文大學歷任校長李國章，而佢係早前嘅「國立」事件，佢被戲稱為「李早」............

鬼魅時尚(Personal Shopper)，今屆香港國際電影節(HKIFF)重點參展作品，導演奧利維亞阿薩耶斯 (Olivier Assayas) 新作，Kristen Stewart 主演，幾年前參與吸血新世紀系列 (The Twilight Saga) 演出時, 被評為花花瓶，唯近年嘅演出，評價不錯，特別是憑「坐看雲起時」(Clouds of Sils Maria)，贏得不少電影頒獎禮嘅最佳女配角。

玩轉身後字 (The Last Word) 由 Shirley MacLaine 及 Amanda Seyfried 主演，講及一老一少，藉著寫訃聞而互相了解及認識自己嘅故事，故事本身不俗，但拍出來卻是有點拖拉，唔湯唔水嘅感覺。

#本週開畫 #異形聖約 #29加1 #神劍阿瑟 #鬼魅時尚 #玩轉身後字

本週開畫: 電影拉雜談 (2017年5月4日)

本週共有套新片開畫: 天賦的禮物, 搶錢耆兵, 同囚,喜歡‧你, 迷情花月, 秘密：屍憶緝兇, 虐殺器官, 柏德遜

同囚, 黃國權導演, 關楚耀及游學修主演, 講及一個少年犯係懲教所嘅經歷; 懲教所, 前稱勞役中心, 香港首間勞役中心, 係1972年係大嶼山沙咀成立, 主要收容24歲以下男性罪犯, 正如片中所言, 勞役中心是主要以大量體力勞動及紀律訓練, 引導青少年返回正軌

喜歡‧你, 許宏宇導演, 金城武及周冬雨主演, 這是周冬雨在"七月與安生"上映後, 第2套有佢嘅電影上映, 佢係自白百何, 另一位我有興趣嘅中國女演員, 今次佢飾演一位可愛的廚師

天賦的禮物 (Gifted),  美國隊長 Chris Evans 主演, 一套關於天才兒童嘅教事, 當你發現你小朋友有某些特別技能, 你要點處理? 像北京填鴨咁谷佢? 還是若無其事咁處理? 本片會俾你啟示

搶錢耆兵 (Going In Style), 三位荷里活 管家Alfred "Michael Caine", 南非總統 "Morgan Freeman", Argo "監製" " Alan Arkin 主演, 故事有點老生常談: 三位小生版銀行騙去退休金, 因而打劫銀行;  故事有點老套, 但有三位小生, 還算值得入場嘅

柏德遜 (Paterson), 今年 HKIFF 參展電影之一, Adam Driver 戲中飾演 bus driver, 聽聞故事較弱, 以對白及意念為先, 有意入場嘅要有心理準備啦