本週開畫： 電影拉雜談 （2017年10月19日）

本週共有6套電影開畫：  解憂雜貨店 (The Miracles Of The Namiya General Store)，維多利亞女王：日不落奇緣 (Victoria And Abdul)，風河谷謀殺案 (Wind River)，烈焰雄心 (Only The Brave)，廝殺密室 (Escape Room)，死神凶盒 (Wish Upon)

解憂雜貨店 (日文原名《ナミヤ雑貨店の奇蹟》(含意：浪矢雜貨店的奇蹟))，發行嘅係一個罕見嘅組合： 英皇及泛亞，改編自東野圭吾於2012年出版嘅同名作品，本次是東野圭吾嘅作品被改編成電影，電影主要是講及某一晚3名小偷在打劫某一住宅後, 逃走時去到一間荒廢了的雜貨店過夜，之後遇上了一段奇異經歷的故了；小說基本上算是一個奇幻推理故事, 涉及不少段時間， 為免劇透，我不多講了, 總之小說寫得相當流暢,相當細膩及感人，電影拍出來是如何呢？ 基於電影時間有限 (雖則已逾2小時(129分鐘)了) ，電影刪走了不少細節及人物 (小說中2個角色)，雖則可令故事更緊湊，但少了一份細膩，及部份劇快推進得太快，令故事有點唔湯唔水，留下不少交待唔清晰嘅地方；一句到尾，我估「解憂」改編成電視劇會較合適； 不過電影整體嘅成績是不錯，電影仍是相當感人的。另電影的主題曲 "Reborn" 相當動聽，我喜歡女版 (即門脇麥 (片中飾演歌手"芹")主唱 )一點；見到「深夜食堂」嘅老板小林薰有份演出，我倒有點驚喜。

維多利亞女王：日不落奇緣，茱迪丹慈 (Judi Dench)、阿里費薩(Ali Fazal)主演，故事很簡單： 這是一個關於主僕的故事，而今次兩位主角是維多利亞女王 (Queen Victoria, 1819-1901)及阿都卡林 (Abdul Karim, 1863-1909)，本片是一套典形英式文藝喜劇，充滿英式幽默；不知如何，本片令我想起第62屆嘅奧斯卡金僕獎最佳影片「山水喜相逢」 (Driving Miss Daisy, 1989)；而近年最出色嘅主僕片，我會選法國片「閃亮人生」(The Intouchables, 2011)。

風河谷謀殺案，高登先發行，日影香港2017選映電影之一，本片由毒裁者 (Sicario, 2015)及非正常械劫案 (Hell or High Water, 2016) 嘅編劇泰勒謝里丹自編自導，謝洛美維拿 (Jeremy Renner)及伊莉莎伯奧森 (Elizabeth Olsen)主演，本片講及一宗在係冬天嘅懷俄明州風河印第安保護區，發生嘅謀殺案嘅故事；本片表面是講及一宗謀殺案，實質是講及當地社會的文藝片： 在一個鳥無人煙嘅冰天雪地，社會及政府忽視當地發展 (整個地區只有6名警察, 及政府沒有統計當地女印地安人失蹤人數))，當地居民除面對資源缺乏外，也要面對在如此環境下心理健康的問題。

廝殺密室及死神凶盒，看過預告後，感覺有點伏，在此略過了。

本週開畫： 電影拉雜談 （2017年10月12日）

 

 

本週共有7套新片開畫： 人造天劫 (Geostorm)，獵殺星期一 (What Happened To Monday)，受夠了！我要炒老細 (To Each His Own)，血色羅馬 (Suburra)，帝一之國 (Teiichi-Battle Of Supreme High)，屍家屠房 (Bluebeard)，愛情奴隸獸

人造天劫，又一套災難片，今次有乜賣點呢？都有兩個嘅：第一，香港係受害城市之一；第二，吳彥祖有份參予演出；本片災難場面比想像中的少，但各種災難，你想像得到的，佢就 show 俾你睇，而故事比預期合格同合理，平心而論，本片比預期中好睇。

獵殺星期一 ，原版「龍紋身的女孩」露美慧柏絲 (Noomi Rapace) 一人分飾七角，本片的故事是咁的： 係廿二世紀嘅未來，全世界立例，每對夫妻只准生一名子女，多左嘅就會被處理，偏偏有一對夫妻生左七胞胎，全訢都係女仔，而個太太生完就死左，為左解決生活同身份問題，父親就將佢地命名為星期一到星期日，每個女仔可以係佢名字果日出街一次，十多年後，七個女仔長大，某一日，星期一出街，她就沒有回來,.......本片故行算係新鮮，橋段算係精采，慧柏絲一人分飾七角也十分突出，只係電影去到中段，大概已估到結局，電影有點「雷聲大，雨點少」。

受夠了！我要炒老細，一套日本電影，福士蒼汰、工藤阿須加主演，聽片名，以為本片係一套瘋狂喜劇，怎知本片係一套講一名日本嘅年青打工仔受無良老細同同事壓迫嘅劇情片；本片的確很容易令人引起共嗚，故事也令人感動，但故事來得太過不真實，兼有點片面，令整套電影最後評價不算太突出。

帝一之國，另一套日本電影，同名漫畫改編，由同由六位「靚仔小鮮肉」菅田將暉、野村周平、竹內涼真、間宮祥太朗、志尊淳、千葉雄大主演，本片片名看似係一套講國家發展嘅劇情片，怎知卻是一套瘋狂喜劇： 小弟入場前無乜期望，但怎知本片來得非常瘋狂爆笑，也以小(學校)喻大(國家)，對政治同社會大大諷刺，絕對係近期「走漏眼」之作，唯一問題是，本片有點「腐」，小弟怕你會頂唔順。

愛情奴隸獸，由有「旺角活地亞倫」之稱嘅葉念琛執導，方力申、蘇麗珊、袁文傑、高海寧、"Ben Sir"歐陽偉豪及胡子彤主演，看電影簡介，本片看似葉大導拿手嘅「愛情金句片」，唯小弟未入場欣賞此片，故不作評論。

 

 

本週開畫： 電影拉雜談 （2017年10月5日）

 

本週共有5套新片開畫： 銀翼殺手 2049 (Blade Runner 2049)，海豹獵金隊 (Renegades)，冰峰逃生 (The Mountain Between Us)，媽媽！ (Mother!)，閃光少女。

銀翼殺手 2049，導演丹尼斯維爾諾夫 (Denis Villeneuv)，夏里遜福 (Harrison Ford)、賴恩高斯寧 (Ryan Gosling)、謝拉力圖 (Jared Leto)、安娜迪艾瑪絲 (Ana de Armas)及羅賓活麗 (Robin Wright)主演，本片係第一集「2020」(Blade Runner, 2020)嘅續集，故事設定在第一集30年後2049年主角 K  所發生的故事。2020 是一部經典科幻寓言片，片中有不少哲學訊息，而今次又如何呢？本片和上集緩慢，但本片絕對不悶，故事與聲影效果皆不錯，如果你係科幻迷，你會收貨的。

冰峰逃生 ，琦溫斯莉 (Kate Winslet)及艾迪斯艾巴 (Idris Elba)主演，本片又如何呢？引用小弟某網/跑/影友嘅意見： 本片原著小說感覺唔錯，講故事手法獨特，結局亦感動人心；但睇過電影 trailer覺得電影「瀨嘢」嘅機會都好高， well......

媽媽！，黑天鵝 (Black Swan, 2010)導演達倫艾洛諾夫斯 (Darren Aronofsky)最新作品，珍妮花羅倫絲 (Jennifer Lawrence)查維亞巴頓 (Javier Bardem)、艾哈里斯 (Ed Harris)及米雪菲花 (Michelle Pfeiffer)

閃光少女，本片係今年威尼斯影展參展電影之一，首映後的評價很「兩極」，而小弟看過電影海報，以為呢套係經典電影魔鬼怪嬰 (Rosemary' Baby, 1968), 即撒旦同邪教之類電影，但睇完後，才知這套電影不完全是這回事，本片是什麼電影呢？我會說是暗黑宗教寓言片，不要當它是傳統劇情片，咁你會覺得套片易啃些。

閃光少女，來自中國大陸嘅電影一句刑尾，，本片不只是以漫畫手法指攝嘅電影，連內容也「漫畫」化： 本片談及不少 ACG (動畫 (Animation)、漫畫 (Comic)、 電玩 (Game))文化。

 

 

本週開畫： 電影拉雜談 （2017年9月28日）

 

 

本週共有8套新片開畫： LEGO 旋風忍者大電影 (The LEGO NINJAGO Movie)，美國特工 (American Assassin)，情人眼裡巴基斯 (The Big Sick)，煙花，應該和誰看 (FIREWORKS, Should We See It From The Side Or The Bottom?)，命中有罪 (Good Time)，追龍，美女變怪獸 (Colossal)，黃金愛樂樂團 (Golden Orchestra)。

Lego 旋風忍者大電影 (The LEGO NINJAGO Movie)，樂高系列電影系列第3部，上次玩完蝙蝠俠、羅賓和小丑同一眾壞蛋嘅故事，今次就大吹東洋風，講及綠忍者勞埃德和其好友們，以及他們師傅胡大師，對抗勞埃德嘅父親，衰神伽瑪當；今次電影仍保持之前風格，簡單，節奏明快，兼風趣幽默，只係類似玩法，可以保持幾耐呢？

追龍，王晶與關智耀合導，甄子丹及劉德華領銜主演，本片講述「跛豪」吳錫豪 (1930-1991) 及「總華探長」呂樂 (1920-2010)的故事；二人之前嘅事跡已曾被拍為自傳電影：「跛豪」(潘文傑導演)、「五億探長雷洛傳：雷老虎」及「五億探長雷洛傳II之父子情仇」(兩片均劉國昌導演) (三片均1991年出品)。當年吳錫豪由呂良偉主演，而劉德華係26年後再次飾演同一角式，這兩片都算相當經典，包括「波霸」葉子楣及吳啟華親熱一幕，以及由秦沛主演嘅顏同所講嘅一句「你大我呀」(其cap 圖可謂風行網絡)。而本片算係合乎預期，王三日處理呢類題材電影時，還是有點水準。

情人眼裡巴基斯 (The Big Sick)，Kumail Nanjiani 及  素兒卡山 (Zoe Kazan) 主演，本川講及來自巴基斯担的男棟篤笑演員及來自美國的女學生二人「異族戀」的故事，由於男主角真的有參予棟篤笑，片中有不少相關場面，而整套電影算係不俗，至少帶出有關「種族和諧相處」訊息之餘，也能保持輕鬆風趣但又不失適當時保持嚴肅。最後想說的是，Zoe Kazan 仍是相當美。

美女變怪獸 (Colossal)，中國3D及鐳射發行，今年夏日國際電影節選映電影之一，安妮夏菲維 (Anne Hathaway) 主演，怎樣形容呢套電影呢? 這是一套科幻愛情的怪物片，本片的確有怪物出沒，不過本片算係 B級片格局，錢有限因而畫面相當「山寨」下，不過本片仍然相當有趣，而當中女主角同怪物嘅設定更是幾絕下；不過呢，本片算係幾怪雞下，未必人人可接受得到。

 

 

[電影] 2017年10月: 入場期望 (5*最多, 0*最少) (括弧內數字為上映日期)

已入場: 無

已買飛(舊片): 麻將

打算買飛(舊片): 驚天大刺殺, 異形續集

打算買飛(電影節): 無

電影節: 第七屆人權紀錄片電影節 (7/9-8/11), 第13屆熊貓國際電影節 (8/9-14/10), 華語紀錄片節 2017 (10/9-19/10), 2017 辛丹斯電影節 (21/9-1/10), 德國電影節 2017 (12-25/10)

已公映尚未入場: 命中有罪 (3*, 28/9), 黃金愛樂樂團 (28) 與正念同行 (3*, 21/9), 那個靜默的陽光午後 (3*, 9/9)

5**: 從缺

5*: 銀翼殺手 2049 (5), 7刻時空 (26)

4*: 冰峰逃生 (5), 媽媽！(5), 解憂雜貨店 (19), 風河谷謀殺案 (19), 常在你左右 (26)

3*: 海豹獵金隊 (5), 愛情奴隸獸 (12), 受夠了！我要炒老細 (12), 獵殺星期一 (12), 烈焰雄心 (19), 維多利亞女王：日不落奇緣 (19), 恐懼鬥室之狂魔再現 (26). 雷神奇俠3：諸神黃昏 (26), 

2*: 閃光少女 (5), 人造天劫 (12), 帝一之國 (12), 血色羅馬 (12), 屍家屠房 (12), 死神凶盒 (19)

1*: 叛諜英倫 (19)

0*: 空天獵 (19)