2009年的夏天, 足球再次瘋狂起來。
三大主角名字: 皇家馬德里, 曼城, 車路士。
皇家馬德里, 一間被譽為歐洲最成功的球會, 剛過的球季四大皆空, 加上佩雷斯的強勢回歸, 令佢地今年大使特使 - 卡卡:五千九百萬磅, C郎拿度: 八千萬磅, 韋拿: 三千萬磅, 再加上其他傳聞中的球員: 列貝利, 華倫西亞 (Antonio Valencia) (現效力英超韋根), 沙比阿朗素 (可惡!!!! :-( )等等, 令佢地今年至少花費二億磅!!!!! 天呀, 點解佢地d錢好似使唔完架...................
曼城, 舊年因中東富豪入主而突然富貴起來, 但因時間緊湊, 只能買入羅賓奴, 比拿美及基雲, 今年時間充足, 已摔先以一千二百萬磅週薪十萬磅簽入巴利, 另外亦以二千五百萬磅和同市宿敵曼聯爭緊迪維斯的永久擁有權, 另外和曼城有聯系的球員包括辛達告魯斯及等數十人, 預計轉會支出不少於八千萬磅............
車路士, 新領隊安察洛提加上老板阿巴莫域治對歐聯冠軍渴望,令佢地今年再次在轉會市場上再次發狂起來, 傳聞即球員己有派路 (二千五百萬磅), 阿古路 (四千五百萬磅). 賓斯馬(三千五百萬磅), 列貝利 (四千五百萬磅); 我只想說, 儘管阿巴莫域治身家少左三分之一, 但其實力財力仍像無底深潭。
三大球會在轉會市場亂來, 令其他球會在得到一筆可觀的意外之財, 像曼聯,阿仙奴, 維拉以及拜仁, 佢地財力不差, 加上收到的轉會費, 令到佢地又可以在轉會市場上大展拳腳, 補充人才...............
而沒有意外之財及陷入財困的球會, 像利物浦, AC米蘭以及華倫西亞, 來年在本土聯賽以及歐聯之路會比較難行, 而其他中小型球會更不用說了.............
究竟行物浦幾時才可以有救世主來臨呢?
沒有留言:
發佈留言